تحذير تحذير تحذير :عروض الجميح و سيل جدة !!!!!

كل هالسيارات اللي بالعرض جايه من مخازن جده ولاعب فيها السيل لعب !!
وتم تظبيطها وتبي تباع بهالعرض !!

لا ما فيها ضمان بعد !!!!

_______
____

امس فتحت الجريدة واشوف عرض شركة الجميح قلت يا ولد فرصه تبيع هالخرده اللي معك وتزيدها شي بسيط وتطق لك موتر جديد !!
بما ان عروضهم كانت مغريه نوعا ما اللومينا مخزنه طبعا من موديل 2005 الى 2008 ب 35 الف ريال فقط
طبعا حسب الاعلان المعروض

لعلي رحت امس لمعرض الجميح بالرياض طريق خريص وقابلت حدى الموظفين قال لي ان السيارات جايه بالطريق من جده تعال لنا بعد اسبوع او قبل بكم يوم قلت طيب اقدر احجز؟؟ قال لا ! قلت طيب السيارات عليها ضمان؟؟ قال ايه اكيد !!

قعدت اقلبها يمين ويسار قلت بيسير فيها واسطات وما واسطات قلت خل الحق عمري ادور لي احد اعرفه عشان احجز لي سيارة

كلمت الوالد اذا يعرف له احد بالجميح قال ايه اعرف !! ويتصل على هاك المسئول طبعا من المسئولين الكبار بشركة الجميح !!

طبعا المسئول يقول للوالد السيارة لك ؟؟ قال لا !!
قال طيب شخص يعز عليك ؟؟ قال ايه لولدي السيارة !!

قال ما انصحك !! طيب ليه ؟؟

قال كل هالسيارات اللي بالعرض جايه من مخازن جده ولاعب فيها السيل لعب !! وتم تظبيطها وتبي تباع بهالعرض !! قال طيب عليها ضمان ؟؟ قال لا ما فيها ضمان

هذا اللي صار معي امس والله شاهد على كل حرف كتبته .....

وعلى حسب ما سمعت أن اغلب الوكالات متأثرة بسيول قويزه وخصوصا عبداللطيف جميل

فعلى كل من بيشري سيارة جديده الانتباه لهالنقطه

منقول من
http://www.mqataa.com/vb/showthread.php?t=22640

	تحديث اليوم الجمعة تم الذهاب الى فرع الجميح في عرعر وبالفعل السيارات ماعليها ضمان ولاليست موجودة تدفع المبلغ كاش وتوقع على تعهد اخلاء مسؤلية الشركة من اي اعطال وتأتي بعد فترة وهذا يؤكد صحة الاخبار المتناقلة عبر الانترنت ان السيارات متضررة من سيول جدة وهذا العرض يذكرني بمكينة سنجر

الله يعطيك العافيه أخوي
على انذارك ا لمبكر
وتقبل مروري وفائق احترامي

مشكور اخوي سام 77