بيت شعر اعجبك تعال واسدحه هنا!!!!

يامحمد السلطان مابعـد المسـا غيـر الصبـاح
ولا بعـد ذاك الصبـاح الا غرابيـل المـسـا

قم علّم الغافين وشلون السفـن تعصـي الريـاح
ورح علّم اللي روّحت عاشقـك عمـره مانسـا

شامخ ولا اتبع من تردى لا ولا ارجي انسان راح
ما اتبع خُطاها لو تكون اجمـل واغلـى هالنسـا

واللي تمنّى طيحتي بيمـوت مايوصلـه طـااح
يخسى الهوى يخسى الزمن قلبي على ذلي يخسـا

سجنتها في صدري بس اليوم جا اطلاق السـراح
الـي نسونـا بالرخـا ياكـم نصونـا بالقسـا

وحنالها واللي طلب مناا الرضـا يلقـى السمـاح
لو اني ادري الطيب مايثمـر معـه لكـن عسـا

كـل ٍ تمنالـي الفشـل ولا خذيـت الا النجـاح
وكل مانجحت وجيه عدواني واصحابي اعبسـا !

اغيضهم يوم ابتسم لـو كنـت مُثخـن بالجـراح
ولو كان قلبي ماله الا الحـزن وهمومـي كسـا

عوّضني الله عنّهم فـي بنـت مكسـورة جنـاح
طفلة يتيمه شكّلت مـن هـم وأحبـاط و آآسـا

ماكنّهاا الا لـذة وصـول المُنـى بعـد الكفـاح
رسـا بقلبـي حبّهـا وبقلبهـا حـبّـي رســا

حسن وبراءه مع آدب واخلاق مع قمـة صـلاح
كل ماوطت ارض الحسا زاد الحلا بتمر الحسـا

نسّيتهـا طعـم العنـا وذوقتهـا طعـم القـراح
ونسّتني غربال المسا وغدا اجمل اوقاتـي المسـا