إِحْسَاسْ دَافِيْ والخَلا بَرْدُ وُصِقيعْ‎

11-27-2011, 02:55 AM

أشــمّ عطـــرٍ من لفيت بهالمكان ..
وإحساس دافي والخلا برد وصقيع ..

أطالع بعينــي يســارٍ في يمــــــان ..
وأشوف زولٍ يا عساني ما أضيع ..

نظره تعيد حساب عمري في ثوان ..
وأنا جليدي من حلاوتها يـمـيـــــع ..

أخيّل ولاهي من انس ولاهي جـان ..
أو كـنـّها طاحت من الفـجّ الوسيع ..

مكسيةٍ فـــلّ وبنفسج وأرجـــوان ..
لوحـــه وبرسمها من ألــــــوان الربيع ..

يا نرجسيه يا خــــــزام وزعفران ..
يا باقةٍ ضمّت من الــــورد الجميع ..

وش ســرّ زينك يا شبيه الأقحوان ..
احترت اسمّي حسنك الوافي البديع ..

قالت تراني احتري شوفـــك زمان ..
وأقول يمكن يلفـــي النور السطيع ..

روحي وعقلي ما تبي غيرك مكـــان ..
فيها نعيش العمر مع حبٍّ رضيـــــع ..

ردّيت قلبي ما تِـبـَعْ عـــزمه هوان ..
شامخ وقدره للمــــــلا دايم رفيع ..

وإلا زمنــــّــا يا هــوى ماله أمـــان ..
سرّي وسرّك نحفظه لا ما يشيع ..

وإن جيت لا حبي عطيتك له ضمان ..
وابنيه ســدٍّ في وسط روحك منيع ..

(أهداء خـــاص )

عــــزف