هين مردك للفرج ياأكبر الضــــــــيق
دام الليالي تقتفــــيها ليـــــــــــالي
هي بس تبغى طول صبر وتوافيـــق
وأشيل هم الناس كله لحـــــــــالي
وعمر المربط مايسوق المطاليـــــق
والحر ماترضيه غير المعــــــــــــالي
ياصاحبي وإن زاد ظلم المخاليــــــق
فلاتحسب إن الله عن الخلق سـالي
والطيب يمحى العيب عرف ومواثـيق
والا الخطا ماله على الطيب والـــــي
واللي جرحني بين حدب ومعــــاليق
مأخفي عليك انه الى الحين غـــالي
ياحلمي اللي مالك اليوم تحقــــــيق
حبك حقيقي بس وصلك خيـــــــالي
والحب يفضحني وان اخفيته يــــويق
وإن مامضالي بالوفــا مابقـــــــــــالي
جرحتني مختار ياحالي الــــــــــــريق
واسامحك مجبور ياراس مـــــــــــالي
صوره ولا يحتاج الإحساس تعلــــــيق
أركض رجا ويطيح ميّس ظــــــــــلالي
وان كان بيبان المشاعر مغالـــــــــيق
فماهو جديد ان الزمن ماصفــــــــالي
ليت الهوى جمعه ولا فيه تفــــــــريق
أوليت ماللبعد فالقلـب صـــــــــــــالي
ياصاحبي وان شلت لك فوق ماطـيق
فأنا لحالي جيت وأرحل لحـــــــــــالي
وهين مرده ينتهي كل هالضـــــــــيق
وأقول للمره الأخيره تعـــــــــــــــــالي
مماراق لي
03-19-2011, 03:08 AM
هين مردك للفرج ياأكبر الضــــــــيق
(مشاهدة الكل)
الأعضاء الذين شاهدوا الموضوع : 0
العرض الشجري