أبو جزاء ياللي بعيد الخطاوي.............

(( بعيد الخطاوي ))

إن جيـــــت للهقـوة, كــبـير الهــقاوي

اللي على الطولات محدٍ يقاويــــــه

صــيته عــــلم كنّه قصــــــيد الخلاوي

ما همّتــه كـثر الحكـي و المشــــاريــه

محزم ظــهر وقـت الرخـا والبــــلاوي

منــهـــو يبي ينصـاه يلقى مداويــــه

من طيب راس وقـو باس وعــزاوي

مـن روس ربعـه ياعـرب من يسـاويه

أبــو جزاء شـوق العــيون المهــــاوي

يشـوقهـــن فعلـه وقولـه وطــاريــــــه

إن قلــت طيــر طيـــر حرٍ نداوي

وان قلت شيـخ غصـب عنك تلبّيـه

وإن قلت ذيب اسّكت لنا كل عاوي

ياويـل منـهــو فالبـشـر من يــعاديــه

أبــو جـــزاء ياللـي بعيــد الخـطــــاوي

كــل العرب تفــداه وتـتـبع خطاويــه