حافظ على نظافة روحك

المشاركة الأصلية كتبت بواسطة فوز

تسلم اخوي الراكد انت ماشاءالله عليك مبدع تسلم ع المرور والله يفكنا من المسلسلات اللي كل العايله تركض لها واذا راح عليهم مقطع
قومو الدنيا ولاقعدوها يالله سترك ولا التركيه شطبت على المسلسلات العربيه والمصيبه العجايز سنونهن مكسره ويالله يمشن ويعرفن كل اللي بالمسلسل التركي لاحول ولاقوة الا بالله

عاد المسلسل التركي صار شي أساسي عند حريمنا ينامون ويقعدون وكل تفكيرهم منصب عليه..
وتشوفين البنت من كثر ماهي خاشه بجو الفلم تهامل دموعها من زود التأثر ..
وإذا إنتبهت يم نفسها إن فيه أحد يشوفها قامت ترقع إن عينها محسحسه ..عشان تضيع الفشيله..
مالومها سبق وإن مريت بنفس الموقف يوم كنت أتابع المسلسلات البدويه..
بس ودي أقول الله يبعد عني وعنكم كل مسلسل أليييم..

وبعض العيال حتى الصيام مايهده حيله تشوفينه وهو يفطر ياكل شوي ويتابع التلفزيون شوي..
بس أكثر شي يقهرني يووم أشوف البزارين ملصقيين بالتلفزيون..
مايخلون الواحد ياخذ راحته تحسينهم مركزين مره..

أعوذ بالله وش هذولي الناس مايشبعون تفليم طيب خلوها بعد رمضان..
وخلونا نستغل الشهر الكريم الذي تفتح فيه أبواب الجنه..وحنا ياكافي الشر صارت تفتح لنا أبواب القنوات..