أن زان لـك وقتـك تخـيـر بالأصـحـاب

السلام عليكم ورحمة الله وبركاته

اعجبتني القصيدة للشاعر/زابن الدوسري و حبيت انقلها لكم

أن زان لـك وقتـك تخـيـر بالأصـحـاب
وان شـــان وقـتــك كـلـهـم مايـبـونـك
أن جيتـهـم قـامــو يـحــدّون الأنـيــاب
وان رحــت عنـهـم بالقـفـا يشذبـونـك
لا..دبّـــرت دنـيــاك والـحــظّ مـاطــاب
الـنـاس لا..مــن طـحـت مايرحمـونـك
أهل السيوف اللـي يقصّـون الأرقـاب
أن مــا كـفـاهــم واقــعــك يـظـلـمـونـك
لا..تـامـن العـقـرب ولاتـامـن الـــداب
الســـم واحــد .. لا رقـــا في متونــك
يـاجـاهـل الـدنـيـا ودورات الأســبــاب
أعرف ترى من خـان غيـرك يخونـك
لو كان لك ربـع(ن) مواليـن واحبـاب
لابــدّهــم عــقــب الــغــلا يـنـكـرونــك
وقـت(ن) يشيّـب بالمخاليـق مـاشـاب
أســأل رجــال(ن) جـرّبــو يخـبـرونـك
واحــذر تـخـاوي كــل هـافـي وكــذّاب
أهــل الـــردى بطبـوعـهـم يطبـعـونـك
أرفـع مقامـك عـن ردييـن الأ نـسـاب
لـو شفتهـم فــي حضـرتـك يمدحـونـك
فارق ثراهم وارق فـي راس مرقـاب
أبعـد عـن الـلـي لونـهـم غـيـر لـونـك
خــلاّن مــال ومالـهـم ربــع واقــراب
لا قـــــــــلّ مالـــك عـــدّهم يكرهونك
أعتاض فيهم من طويلين الأشنـــاب
اللــي الى مــال الدهــــر ينفــعونــك
لا صكــتــك دنــيــاك وافــتـر دولاب
بــانــت مــواقـفهم و لا يرخـصــونك
هــذا رفــيقك من قريبين و أجنـــاب
ذخــرك وهم في واجبك يذخرونـــك
عندك قريبين(ن) ولــو قلت غيّــاب
على صدى صـوت الندى يا صلونك
ياللي سمعت العــلم لا تفتــح البــاب
لا تنحشر في شي ما هــو ب شونـك
ربعك الى من شفتهم صاروا أحـزاب
وتشــاوروا بالــراي والعــلم دونــــك
لا تبـــدي برايك عليهم و لـو صـــاب
لو صحت بأعلى الصوت ما يسمعونك
ومن لا حسبلك لا تسوي لــه حســـاب
لو كان يسوى وحدة (ن) من عيونــك