سر يا قلم للمنشد فارس المطيري

قصيدة رائعة أوصي بإستماعها والتفكــر في معانيها

سر ياقلـم وأكتب كلامي بعد ما طال السكـوت


كلمة وفـا وابغاك ياراعي ألوفـا تفطـن لهـا


الناس في الدنيا تعيش وفي آخر العمر بتمـوت


كالشجرة اللي مرها العبـد وجلـس في ظلهـا


الكل يفنـى ما علـى الدنيـا مقـر ولا ثبـوت


بعض المناوي يتعـب الرجـال ما يصـل لهـا


أهون بيوت الخلـق عنـد الله بيـت العنكبـوت


وأعظـم بيـوت الله ليـا قـدر هدمهـا كلهـا


تب قبل ما تطوى السنين وموعد التوبة يفـوت


صـم زك حـج وجاهـدُ وكل الفرايض صلهـا


اذكر نهار يصير قبرك بيت من ضمن البيـوت


وأهل القبـور الله يعلـم دوم وش يحصل لهـا


ينزل عليك من السماء مرسول لا وصلك تموت


والـروح من بين الضلـوع الضيقـات يتلهـا


في ساعة والصـدر ما بين التضايق والكبـوت


كل العلوم اللي تـرى في القلب فمـك يهلهـا


يا لله تجعل قوتنـا يوم ألقيامـه خيـر قـوت


يا مـن تعـز بعزتـك قـوم و قـوم تذلهـا


هذي نصيحه قلتها مير السموحة في البيـوت


أخذ النصيحة و أنتفـع وأما القصيـدة خلهـا


نصيحة بأرفع بها صوتي وأزيد الصوت صوت


أقولهـا واللـي عقـد روس الحبـال يحلهـا