صفحتي العزيزه

مدخل :


أنا: ذاك الغريق اللي شحوبه ما كتم سرّه
أنا: ذاك الغريب اللي عجزت ألقى عناويني .!

لبست الهمّ ثوبٍ ضاق به من هالسّهر زرّه
وضمّيت الحزن يوم السعادة ما درت ويني ؟!

سدّيت باب الحب , من اول العام
وماعاد هو رغبه , تراود .. خيالي


نزرع ولانحصد سوى جرح وآلام
ونضيع بين , جروحنا والليالي


ياللي تحسب الحب , نسبة واحجام
الحب عن حضرة معاليك - عالي


الحب لامثالك , نيو لـُك واعلام !
والحب لامثالي , كبير ومِثالي


انا اكتشفتك , وانقطع حبل الاوهام
وشلتك من عيوني .. وقلبي .. وبالي


ماتغري لـ ( شوفك ) ذعاذيع الانسام
اللي تذكّر كل - غالي بـ - غالي


لو كنت ما اخطيت وآنا اللي انلام ؟
كان احترمت اللي من اجلك .. جرالي !


حبيّتك .. ايام .. وليالي .. واعوام :
والحين .. تغريني .. حياتي .. ( لحالي )


الحب مالك فيه .. لاشرع .. واحكام
وما للكلام .. وشرهتي معْك .. تالي


صحيح قلبك .. كان لي مصدر الهام
لكنّ ماعاده .. مجالك - مجالي !


واللي سهر لاجلك , شرى عمره و نام
يشوف قربك مر .. والبعد .. حالي


مايستحق .. الحب .. كاذب .. وظلاّم
و مايستحق .. الشوق .. داله .. وسالي


ماتت .. امانينا , وكذّبت .. الاحلام
والله .. يطيّب .. فال قلبك .. وفالي


تعبت اشيل هموم غيري .. والايام :
لكن على ماقيل .. صدري شمالي

مخــرج:

أقـول لكـل لحظـة | حـب مرّيـنـي
وأدوّر لي وطن يستوعـب أعيـادي .!