قصيدة محتاج لك حيل
محتاج لك حيل والله يقطع الحاجه
حدتني وجيت اداري دمعة عيوني
باين علي التعب والضيق وانتاجه
منهار لوني متغيّر ماهو بلوني
لقيتك .. اللي يصد معقد حجاجه
وانت اقرب الناس والغالي ومضنوني
لكن على الله بديه الضيق وافراجه
والا انت الله معك خابت بك ضنوني
بلاش منك ومن موقفك واحراجه
رح واتبع اللي خذوا مني وخلوني
من صد عني ترى مانيب محتاجه
من دونه اعيش دامه عاش من دوني
وان قدر الله مع الايام نتواجه
تمر مثلك مثل ناسن يمروني
في عيوني تصير ماتسوا ولا حاجه
من عقب ماكنت تسوا الناس في عيوني
**********************
نـــاديت والليــــل جــاوبنــي وبكــانــي
محد سمعني سوى ليـــل نزع دمعـي
ما غيــر ليلي مـــن الاحباب واسانــــي
يـا ويــــل من همٌلـــــه ربعه مثل ربعــي
طالـــت مسافاتي وتاهت بـــي أزمانـــي
وعلمني الوقت كيف اقسى على طبعي
ومـــن طاول الوقت لو هو قاســــي لانـي
ومـــن يرفض العشــــر يقبــل عقبها سبع
كــــم عاقـــــل صار بامـــر الحب هيمانـي
وكـــم قلب عذره ترك فيها الهوى صدعــي
يا عازف في الهــوى منظومــــة ألحانــــي
رد المـــواجع نغــــم في قلبــــي وسمعي
غنــــى الغـزل ينتعـــش خفـــاق ولهـــــاني
واشــرب زلال الهوى من كاسـي ونبعــــي
ومــــدام انا حـــي كــــــل الــحب ميدانـــــي
وان مــت يا حاجي الاشـــــواق لك بدعــــــي