ياعزوتي دام نبضك وانت لي عزوه


والآم جسمك يا بيه جعلها فيني

اهديك عمري وسنيني وكل ماتهوى
وتعيش باقي حياتك في وسط عيني
القلب الابيض غريبه كيف له يقوى !!
يقوى يكابر ويخفي هالالم حيني
يبوي ي عمري حياتي يالغلا فدوة
فدوة عيونك يا اغلى قلب يحويني
يا ضيق بفتح ضلوعي راجيك رجوه
ابعد دخيلك عن الغالي وحط فيني
وابشر بسعدك وروحي جاتلك كسوه
وقلبي حلالك هديه مع شراييني
اسكن بقلبي فديتك دامه لك مأوى
وشريان تاجي تصرف فيه وانهيني
واتلف وريدي طلبتك لين مايسوى
الا ابوي رجيتك لا تعنيني