العيـد باكــر،، "أسعد الله ممساك"
والله مـــدري ويـــن خد جلسته !!
وين أنت ياللي عيدنا في محيــــــــــاك
كف القــدر.. من ضيقة الخلق بسته !!
من يــــوم مالوحت لي كف يمنـــــاك
واليـــوم دمعي بــالـخـفـا ماحبسته
و من يوم ما ذوقـتــنــي "حر فرقاك"
والياس زرعه فــي حياتي غرسته
شريت لي ثوب ٍ علشان لقيـــاك
والثوب .. راحت موضته مالبسته
و شريت عطر ما زهاني بليـــــاك
أربع سنين بعلبته .. مالمسته!!
ودفتر قصيد كل يوم يترجــــــاك
مافيه ليله ماسهرت و درسته