الحين الوليد بن طلال ماطرى عليه إلا يدق عليك أنتي
هل تعتقدين إن هذا منطقي؟؟
أنا أقولك المنطق وشلون ترى الوليد خويي وبنفس الوقت صاحبي يعني مايخبي عني أي شي..
وعشان تصدقين قبل أمس سير عليه وقال يالراكد والله إنك جيت على بالي وحبيت أتونس معك وبعدين قال ماعندك سلف..
قلت له سمعت إنك متسلف 2000ريال من مصرقعه..
قال لا والله..حسبي الله عليها ماغير تسوي إشاعات عليه ..
قلت له طيب قبل سنه وأنا مسلفك 5000ريال وما رجعتهن لي ..
قال يالراكد يابعد كبدي كبدك..تعرف أنا بديت أبني ناطحة سحاب جديده وقصرن عليه الفلووس وإن شاء الله أردها لك بعد ماخلص من العماار..
حسيت إن الوليد خنقته العبره..
وقلت في نفسي يقطع أبوه من عماار يبهدل براعيه كذا..
وقلت إسمع يالوليد أنت تلتهم الفلووس من غير مبلاه ومن المستحيل إني أسلفك مره ثانيه..
قال يالراكد هاات من الأخييير قلت ماني مسلفك أنت ماتفهم..
قال أجل أبي أرووح لخويتي مصرقعه قلبها حنين ويمكن تسلفني..
حسيت إنه بس يبي يقهرني..
قلت والله يالوليد إنك أبوجهين توك تقوول إنها تسوي عليك إشاعات والحين تبي تلحوص عندها..
لا وبعد صار يناظرني ببجاحه ..
وعصبت عليه وطرته من البيت؟؟
ونصيحه لك يامصرقه لاتعطينه وجه.. أعرفه بطووول لاتقولين ماعلمتك..