السلام عليكم ورحمة الله وبركاته
قصيدة أعجبتني للشاعر /مبروك بن ماضي وحبيت أنقلها لكم
قال الذي أمست به افكاره إتـدور
في فلك حال اهل السعد والشقـاوه
أحدٍ هداه اللهْ الـى خيـر دستـور
واحدٍ تِقلْ غطت عيونـه غشـاوه
فلاتجعل القرآن ياصـاح مهجـور
إقـرأ ورتـل وأرتقـي بالتـلاوه
وكانك تبي تحيا مدى العمر مسرور
لا تفارق الفرقان ياخُـوك خـاوه
بالحرف لك حسنه ولك بالذِكر نور
وتشعر معه لإيمان قلبـك حـلاوه
خله يسجّل له مع عقلـك حضـور
ويضفي على نفسك أمان وهـداوه
واعلم بان فن التدبر لـه شعـور
وإحساسٍ آخر فيه روح النقـاوه
وأبنصحك كانك تبي تسمع الشـور
الهـم والوسـواس بالذِكـر داوه
واحذرتكون انسان عاصي ومعثور
لن طاعتك لإبليس أكبـر غبـاوه
لاتتبع الشيطـان تحيـا بديجـور
ظلام ويناصِـبْـكْ دوم الـعـداوه
عساك ياللي تسمع النصح مأجـور
يكفيني اللهْ وانـت شرالعصـاوه