صباح ورودي الذبله يعانق وردك الجذاب
تلون بالحنين وحارق الاشواق تسعى به
تنفس فجرك الباسم ولبس من الامل جلباب
تردد اسمك انفاسه وتطربه وتغنى به
صباحي كان شكله غير .. طير وفك دونه باب
وطيفك كان ذاك النور في سجنه ومحرابه
بعد سود الثواني والزمان المُرهق اللعاب
سطع صبحك وبان الخيط الابيض فـ اجمل ثيابه
تبيني بالوضوح اكتب حروفي وانتثر وانساب
انا كبش الزمان اللي بكت عيني من اسبابه
صحيح ان الرحيل احيان يلهي عن جروح عطاب
لكن البعد يفتك بالخفوق ودوم يشقى به