منتديات السلاطين الرسمية - عرض مشاركة واحدة

11-20-2010, 11:00 PM

لو العذر يجدي اوجدت الاعذار=====ولو الرضا يشرى ماجيت من دونه

ولو العمر يرخص ارخصت الاعمار====ولو العيون تساق ارجال لعيونه

يالذيب ياورثة وافين الاشبار=====ياللي زحول الرجال تاخذ من فنونه

ارضاك ياشيخ ياطيب الكار =====من واحد منكم لو ماتعرفونه

انت الهرم ياشيخ وحنا لك اشبار====انت الفخر ياشيخ عزه ومضمونه

ياشيخ ياللي لك بالحشا دار=====وفي مقلة العين لك دره مكنونه

ولك بيننا ضلع كما ضلع سنجار====ولك هيبة السلطان ماهيب مدفونه

صغارها كبار وكبارها صغار=====بيض النوايا كلها فيك معلونه

وليا نظمت الشعر زانت بك اشعار====كن القصايد كلها فيك مفتونه

وليا طرينا البختري ونوار=====دمث المحيا هلا قاموا يحيونه

هذاك ابو حمود للكل مدرار=====جعل المتون اللي تفداك يامتونه

لاشلة سكوب ولا كل ثرثار=====ولاكل حسان ولا كل حسونه

ازلام واجتمعت وبالوسط سمسار====كل(ن)يبا يشيخ ويطول اردونه

زمار لكن مهوب اي زمار=====يعزف على نفسه ويطرب على لحونه

وانت الصقيل اللي على الكل بتار====شروا السعوط اللى ماتامن جنونه

شيخ(ن) على ساس منتا بهذار ====منتا من اللي ربعه مايشيرونه

ماجاتك الشيخه منه وتعيار=====جاتك على صيت(ن) ازروا يطولونه

وسلامتكم