أخواني في منتدى السلاطين لقد وعدتكم بقصيدة أبو بسام في شاعر المليون وهذي تغطيه شامله لمساهمة شاعر الدهامشه بل شاعر المملكة العربية السعودية وهو خير من يمثلها وهو علم من أعلام الشعر ودائما ما تجد هذا الشاعر في القمة لنصه الشامخ وقلمه الجريء
يسرنا أن أقدم لكم تغطيه شامله عن مشاركة علم من أعلام الشعر الأصيل
وهو الشاعر عبد الله سماح المجلاد (ابو بسام المجلاد) والأن في الطريق للكويت لمقابلة اللجنة
ابو بسام والعامري مذيع ومقدم برنامج شاعر المليون
ابو بسام مع الشاعر وعضو لجنة التحكيم (بدر صفوق)
القصيده اللتي شارك بها ابو بسام المجلاد
رحل حلو المنام وما طرق بـاب الجفـون انعـاس
نسيت النوم بعـدك والسهـر يستوطـن اجفانـي
وحَكَتْ عين الغرام وسال دمع الحبـر بالقرطـاس
يسولف عن غيابـك يالخفـوق اللـي تناسانـي
أقول امحاك يكتبـك الشعـور بدفتـر الإحسـاس
واقول انساك لكن مايغيب اسمك مـن ال(سانـي)
رحلتي ليه وانتـي للجسـد روحٍ تفيـض انفـاس
رحلتـي ليـه وانتـي ربعـي وناسـي وخلاّنـي
وحشتيني كثير( وذبت) شوق ال(سودك)( النعّاس)
وانا من يـوم غبتـي ماسقـى الهتّـان ريضانـي
تهيجن لك جروحي والشعـور المغتـرب عسّـاس
وَلاَ بان الربيـع وماتـت مـن الجـدب قطعانـي
وربي من رحلتي وانقطع جـذر الوصـل بالفـاس
هرج ليل العـذاب وصاحبـي ضيقـي وحرمانـي
(نعم) بَعْدِكْ وحيد(وطبع عيني) ماتشـوف النـاس
(نَعَمْ)(بَعْدِكْ) غريب وموطنـي ترسانـة احزانـي
(نعم) بعدك جريح (تَعْبَثْ) اب(فكري) يَدْ الواسواس
بليـلٍ فيـه همّـي يفتـرش طراحـة اشجـانـي
يِسَرِّيْنـي لِوَجْهـك والـدروب الهـمّ الهوجـاس
وفيها اطرد خيالك والوهـم لـه صـوت نادانـي
تسافر بي عيونـك يـوم تسرقنـي مـن الجـلاّس
وتكتبني غـرام وترجـع مـن الشـوق تقرانـي
وانا الطفل الفقير اللي رسم وجهك على الكـراس
رصيدي صدق حبٍ يجري ابْ(دمـي وشريانـي)
فقير المال (لكن ) كُنْت / مُرهف/عاطفي/حَسّـاس
ثري جـداً بمخـزون الشعـور وقلبـي الحانـي
عطيتك مـن كنـوزي دون تحديـد وبلامقيـاس
مـن البحـر الغزيـز وقلـت ذا درّي ومرجانـي
زرعتك من صباي وكنتـي النبتـه وانـا الغـرّاس
أساقيك الغـرام وينهمـر لـك مـزن وجدانـي
وكُبَرْتي بالفؤاد وما افترق غصنك عـن النسنـاس
وِمشت معنا الظروف ونَسْمِتِكْ تستعذب اغصانـي
وبِدَتْ وردة جمالك تَزْدِهِرْ ويِغِيْـر عقـد المـاس
من الخصر الرهيـف ان ميلتـه الريـح واغرانـي
معي كنتـي قريبـه مثـل عينيـنٍ بهـذا الـراس
وانا استوطن عيونك مامعـاي مـن البشـر ثانـي
كذا كنت الْمُرَفّه قبل ما اشرب لوعتـي بالكـاس
قبل (جُرْم) الـوداع وقصّـة المجنـي مـع الجانـي
لو ايعوّض غيابك ياذهب بيـض السنيـن انحـاس
ماكان الورد ماتـت بسمتـه فـي ثغـر بستانـي
(تركتي لي غلاك)( وجرح فرقاك) وخيوط اليـاس
وتركتينـي شماتـه تتضـح بعـيـون عـدوانـي
الشاعر القدير والرائع والأمير / أبو بسام المجــــــــلاد
تحياتي ............................... الغطاس
مما أعجبني جدا وبلا منازع