السلام عليكم ورحمة الله وبركاته
وعليكم السلام ورحمة الله وبركاته
1) كم وجبه تآكل بـ اليوم !
واحده
ويتم تعويض الوجبتين الناقصه
عن طريق التنقيش مابين الوجبات الاساسيه
للشعب السعودي
(2) وش وجبتك المفضله [آللي مآ تقدر تستغني عنهآ ]
الحوت الأزرق..والغزال الأشقر من جبال الألب
يازين طعمهن طعمااااه اللي أكلهن الأمريكي
قبل سنه قالها لي ولد عمي اللي شافه من خلف
شاشه التلفاز..يالحين أتحسس طعمهن بحلقي
طبعا اذا مالقيت
أكتفي بالدجاجه الفرنسيه (الله ايخليها لنا ولعيالنا ذخر)
(3) أنت من النـآس آللي (تشين أخلآقه مثل ما يقولون ) إذا جآعوا
أبدا بس يتغير وجهي
(4) أول مآ تدخل السوبر مآركت أي قسـم تشوف بطنك يوديك له بدون شعور !
أنا وبطني نعر ف بعضنا مبطي.. صحيح عليه بعض
الحركات البايخه بس وش أسويبه ربي خلقه كذا نوب
يودني لسمك ونوبه للبن
ويوم شفته هالون مارديت عليه بزعله
واخذ لي كم عصير وكم حبه شوكلاته ونا مستعجل أخذت بعض الكيكات
وشفت بسكوت ملبس أخذته أبفمي
وقلت للهندي بكرتون دجاج الحقني
وعلا كذا خلصنا
(5) هل صحيح مقولة [ الطريق إلىآ قلب الرجل معدته ] !
أكيد أثناء حالة الجوع لأنه تتغير البرمجه(والجوع كافر)
وبعد الشبعه ولله الحمد أرجع للوضع الأول اللي أنا خابر
(6) مآ رأيك في قول [ إذآ بغيت الحرمه ترضى عليك ودهآ لـ المطعم ] !
نعم صحيح اذا كان السبب لحقها جوع وأجيب لها مايسد حلقها أكيد تبي
ترضى ...ولاتبوني أتركها ياما تموت..ولا تهج عني وتروح يم أهلها..
أما في حالة الشبع كلنا نرفس النعمه ونتفنسق على بعضنا
(7) إذآ دخلت البيت و أنت جوعآن مره ومآ لقيت الأكل جآهز وش ردة فعلك ؟:
أسوي بعض الحركات الغير شعوريه ..
أناظر للمدام من راسها لرجلينها
مع مدة البرطمl شبر للأسفل ..
وأخزها بعيوني .. وأفخت بيديه كذا ..
وأنا طالع أصك الباب بقوه..
وأسمع وراي المدام لها تمتمه مدري وش تقول وقرشعه
..وشي انكسر مدري وشي؟
(8) وش الأفضل عندك أكل البيت أو أكل المطعم ؟!
الرسول نهى عن ان الشخص يعيب الطعام
وعليه يكون السؤال
هل أنت تريده من أيدي العاماله ولا تعلم عن نظافتهم من عدمها
أم من أيدي أهل بيتك
أكيد البيت أفضل بمراحل
(9) تحب تآكل لـ حآلك أو تآكل مع جمآعه مع ذكر السبب
على حسب اذا كنت رايق أفضل الجماعه وذا كانت نفسي خايسه
( أنا الحالي وسعري ليس بالغالي)
10) تفضل العصيرآت أو المشروبآت الغآزية وحدد انوع ؟!
أفضل العصيرات
وما أشرب واجد كوب واحد تقريبا نص لتر وبس
طبا النوع عادي وبسيط
تفاح وبرتقال وموز وعنجاص وانناس وليمون
ومانجا
أخلطهن وطلع منها هالكويب اللي أنا قايل
(11) لو كنت معزوم / تحب تكون العزيمه مفطح ولآ بوفيه ؟
بوفيه مثل النا س الراقيه
حنا ياعربك ماذبحتا ياكود هالمفاطيح
ولو يلغونها من عروسنا يكون أبرك
(12) أنت من النآس آللي تحب تآكل بين الوجبآت ؟!
إذآ كآنت إجآبتك نعم وش تحب تآكل
نعم مصليات مع زبده وبعض من المعجنات
واذا كان في بيتنا نافس ..أنافسها واكل معها مرقوق
واحيانا جريش وعدس
مالكم بالطويله لصار عندي نافس أصير مربع بهذا الوقت
علما بانني لا أكل بشراهه
كل هاتنوع هذا تنقيش فقط
والحمدلله وزني ثابت
12[ شوكلآتآت وَ لآ شيبسآت ولآ معجنات وَ لآ فوآكه
وَ ركزوآ على فوآكه بالله ولآ ايش ] !
فواكه
13) إذآ كآنت شهيتك مسدوده عن الأكل من تختآر
من الآعضآء يآكل معك عشآن تنفتح شهيتك ( لكـ ثلآثة فقط )
دندنه الرحيل وعقد الدر وأنتي يالوايليه
واللي يبقى نرسله سفري لبقية الاعضاء
(14) وش الطبخه آللي تضبطهآ و ودك تعزمنآ عليهآ
وأنا ليش اخترتكن بجواب س13
الا على شان أنت تسونها أنا ياخوك ماعرف اسوي طبخات
اللي عرفه اااكل وبس
(15) لو دخل السوبرمآركت كم تطلع به فاتورة
اما بالوقات العاديه
على حسب نواقص البيت أو الطناخيه
50ريال أو100 تزود تنقص
مالها شي ثابت
(16) تفضل المشروبآت الباردة او السآخنة ، مثل ..؟
البارده مثل العصيرات
طبعا في الشتاء يكون العكس الساخن زنجبيلات وشاي منعنع
(17) وش آخر أكله او شرآب لكـ قبل شوي
فطيره مع الشاي
18) ما أعلى فاتورة خرجت بها من السوبرماركت
اول ما استلم الراتب طبعا يكون البيت فاضي
اعبيه من مجاميعه بألفين ريال
وشكرا وأختار أخونا جزاء مونس
بلغوه عني