مقدمة
عندما رأيت منظر طفلة تبكي عند قبر أمها وهي ترتدي مريول المدرسة
أصر حرفي على النياح
وهنا كتب حزنه
ــــــــــــــــــــــــــــــــــ
يمه .... يمه .... يمه
يمه وينك
الكل يبغى يدينك
وين حضنك
وين حنانك
يمه شوفي دمعي يسيل
يمه وين يدينك
تمسح دموعي
يمه مو بدري الرحيل
^
^
^
يمه شوفي مو بس أنا أبكي
الكل يشكي
حتى دمعتي تبكي
تقول لغيرها ما نزلت
و لغيرها ما مات ضحكي
^
^
^
يمه مو بس أنا ابكي
حتى حقيبتي تبكي
والكتب والدفاتر
وأقلام متكسره
ومناديل بريحتك
متعطره
^
^
^
يمه مو بس أنا أبكي
حتى المدرسة تبكي
والطباشير
وفي حصة التعبير
كان درسنا عن الأم
تدرين وش كتبت
ماكتبت غير
دمعة
منها الورق صار ضرير
^
^
^
يمه مو بس أنا ابكي
حتى مريولي يبكي
يشكي فرقاك يمه
ويحلف ما في الأرض
مثل قلبك يضمه
^
^
^
يمه مو بس أنا أبكي
يمه ..... يمه ..... يمه
يمه مافي دمعي حيله
لكن برفع ايديني للي نرتجيله
ياعسى مثواك الجنة
يمه
ــــــــــــــــــــــــــــــــــــــــــــــــــ ــــــــــــــــــــــــــــــــ
تقبلوا حزن حرفي
عبدالله شايش