شكرا لك اخي (ماهمني دنياهم)على طرح هذا الموضوع.
،،،♥)(♥،،،


1- ماهي علاقتك بالشعر ؟!!

لم تكن علاقتي بالشعر علاقه لصيقه وانما اذا سنحت لي الفرصه اطلع على بعض القصائد خاصة الشعر النبطي القديم.

2- من هو شاعرك المفضل ؟!!

ليس لدي شاعر مخصص وإنما احب استمع لي بعض الشعراء المعاصرين.

3- اعضاء في" مجلس السلاطين " تثق في ذائقتهم الشعرية ؟!!

ابو بسام المجلاد..

4- بيت شعر يحضرك دائما ؟!!

لو عندنا من غيب الايام رسه...الادمي مصلوح نفسه يدله
لوشفت ضول الناس بالك تعسه...وان جنيك شر المخاليق خله

5- قصيده تعدها من اروع القصائـد ؟!!

قصيدة الشاعر:مقحم النجدي الصقري العنزي
يا الله يالمطلـوب يـا والـي الاقـدار = أنـت الـذي مـدات جــودك لطيـفـه
يا الله يالمعبـود عـاون هـل الكـار = تـحــل شـطــاتٍ علـيـهـم كلـيـفـه
اللـي مجالسـهـم بـهـا بــن وبـهـار = ونـجـرٍ يـصـوت للهجـافـا رجـيـفـه
مـكـارم للضـيـف أصـيـلات وكـبـار = ومفطـحـاتٍ فـــي صـحــونٍ نظـيـفـه
يامزنـة غـرا مـن الوسـم مــدرار = اللـي جذبنـا مـن بعـيـدٍ رفيـفـه
تومـر علـى كـل المفالـي بالامـطـار = تصبـح بهـا خــدان قـومـي مريـفـه
غب الحيـا فاحـت بهـا ريـح الازهـار = تخـالـف الـنـوار مـثـل القطيـفـه
ترعـى بهـا قطعاننـا ســر وجـهـار = ترعـى زماليـق الفيـاض النظيـفـه
قطعاننا مـا يرتعـن دمنـة الـدار = فـي ظـل مرويـن الغلـب والرهيـفـه
ترعى بضـف الغـوش بقصـاف الاعمـار = تقطـف زهـر مرباعهـا مـع مصيـفـه
فــي ضـفـة الله ثـــم (جبـر،وجـبـار) = خيـالـةٍ يــوم الـمـلاقـا عنـيـفـه
ترعى بها وضحـا مـن الـذود معطـار = غبـوقـة الخـطـار عـجــلٍ عطـيـفـه
يبنـي عليهـا بنيـة اللـبـن لـجـدار = عقـب الضعـف راحــت ردومٍ منيـفـه
ما هي حكايا مسـردٍ عقـب مـا نـار = اللـي نكـس واطـراف رمحـه نظيـفـه
ان سوهجـو عنهـا قليليـن الابـصـار = مـن دونهـا نـروي الحـدود الرهيفـه
الصبر مفتـاح الفـرج عنـد الاذكـار = ومـن لا صبـر تصبـح حوالـه كسيـفـه
خطوى الولد مثل البليهي الـى ثـار = زودٍ علـى حملـه نقـل حـمـل اليـفـه
وخطوى الولد يبهش على موتة النار = مـع العـرب يشبـه لخطـوى الهديـفـه
والـي بخصتـه مـا سـوى ربـع دينـار = صفـر عـلـى عــود تضـبـه كتيـفـه
وخطوى الولد يا مال قصاف الاعمـار = لا نـافـع نفـسـه ولا مـنـه خيـفـه
وخطوى الولد مثل النداوي الي طـار = صيـده سمـانٍ مـا يصـيـد الضعيـفـه
حنا كما المشخص عن الصرف مـا بـار = بالـوزن يرجـح والمـصـاري خفيـفـه
حنـا نرافـي زلـة الجـار لـو بــار = نضحـك حجاجـه بالعلـوم اللطيـفـه
نرفـي خمالـه رفيـة العـش بالـغـار = ونودع لـه النفـس القويـة ضعيفـه
ولا نبدي الخافـي الـي صـار مـا صـار = يفلج قصيـر البيـت لـو بـان حيفـه
أحـدٍ عـلـى جــاره بخـتـري ونــوار = واحـدٍ علـى جــاره صـفـاة محيـفـه
الجـار لابــده مقـفـي عــن الـجـار = كــلٍ بجـيـرانـه يـعــد الوصـيـفـه
نكـرم سبـال الضيـف حـقٍ وتعـبـار = لا مـن ولـد العفـن شــح برغيـفـه
لا بدهـا ترجـع تـواريـخ واذكــار = وتبقـى لدسمـيـن الـشـوارب وضيـفـه

6- هل لك محاولات في كتابه الشعر ؟!!

نعم بعض الخواطر..

7- لك مساحة لكتابة بيتين مـن قلمكـ فـأمتعناا ؟!!

هذه ثلاث ابيات كتبتها في بنت بنتي(لمى) محمد النيات
اخترت من حلو الكلام الحلاوه..واخذت من زين التعابيرمصقول
وغلاك يالومي زاد بعــــــلاوه..ماينوصف حجمه بتعبيــر والقول
ياورد ياريحان مال بطراوه..ريح النفل والزهــروالنطق معسول

8- لك مساحه بلآ حدود وحرية بلا قيود امتعنا بقصيدة على ذوقك ؟!!

ياكثرهم .. لا قلت لك .. عرفة وجيه

وياقلهم ... لا قلت ... قـــدر ومعـزه

رجلٍ ... تعزه بعد ماتلتقـي ... فيــه

ورجلٍ ... قبل ماتلتقي بـه ... تعـزه

ورجلٍ .. ترزه بالمجـالـس ..مباديـه

ورجلٍ .. فلوسه بالمجالـس .. تـرزه

ورجلٍ .. يموت ولا يجيبون طاريـه

ورجل ٍ .. يجي طاريه في كل حــزه

ورجـلٍ يهزه .. بعض موقف ويشقيه

ورجلٍ .. مهوب أيّـــات موقف يهـزه

ورجلٍ .. ضعيف .. ويستفزه معاديه

ورجلٍ .. كلام أعـداه .. ما يستفـزه

ورجلٍ .. تلزه يعترف لك .. بخــافيه

ورجلٍ .. على خــــافيه .. محدٍ يلـزه

ورجـلٍ .. يوزونه .. ويزعل بنيخيـه

ورجلٍ .. يزعّل من يحــاول .. يـوزه

ورجلٍ .. تكزه لا زم إنــك .. توصيه

ورجلٍ .. بليّـــا مــا توصيــه .. كـزه

من لا فرش .. للمرجله .. مــاتغطيه

ومن لايخز .. النــاس .. محدٍ يخـزه

للشاعر خلف المشعان

،،،♥)(♥،،،

اختاربعدي

الـــــــــزيـر بدون الفرس