بديت القاف متوكٌل علـى الله=اعدٌ البيـت واشـدٌ الحبالـي
وصار البيت مزحومٍ وعامـر=وتبهر شوفته عيـن الرجالـي
واذا واحد من دلالـي تقهـوى=لسانه قال يـا حـيٌ الدلالـي
بيوتٍ صغتها من شـفٌ بالـي=وليلك ليل لامن شـفٌ بالـي
اصوغ امن القوافي عقد فاتـن=ذهب ومرصِـعٍ فوقـه لآلـي
وانا ماني بمـا قلـت متكبـر=حقيقه قلتهـا يابـن الحلالـي
انا مـن لابـةٍ فيهـا الحميٌـا=قبيلة عـز مـا فيهـا جدالـي
لنا فالحـرب تاريـخٍ موثُـق=توثقهـا ميـاديـن النـزالـي
ولا من قام فارس دون فارس=ولا من صاح صيٌاح القتالـي
يجيك الوايلي زيـزوم ضـارم=سيوف الوايلـي دايـم تلالـي
تشوف الوايلـي داس المنايـا=يقطٌ الـروس ويـردٌ التوالـي
ومن زود الشجاعه فيه (طنخه)=وتوصل دايـمٍ حـد الهبالـي
عـدو آلاد وايـل مـا تهنٌـى=يشوف الرعب في كل الليالـي
وصديق آلاد وايل فـي معـزٌه=واهو مبسوط من تحت الظلالي
ولا منٌا لفانـا ضيـف قلنـا:=هلا يا مرحبا في صوت عالي
وفلٌينـا حجاجـه بالمجالـس=وذبحنا له من اخيار الجزالـي
نزبٌن كـل مـن جانـا زبنٌـا=ونعطي كل من جانـا يسالـي
وجيرتنا على الناس امحبوبـه=يروح الجار ما يشكي خمالـي
ولاني امقصِر بحـق القبايـل=قبايل شامخـه مثـل الجبالـي
ولاكنٌي مدحت اليـوم ربعـي=هل الطولات ذربين الخصالي
واظن الي يمجِد فعـل ربعـه=من الواقع مهو نسج الخيالـي
يكون بفعلته حـاش الفضيلـه=وطال العز في نظـم المقالـي