منتديات السلاطين الرسمية - انقل لكم قصيده اعجبتنى جدا لشاعر جدا رائع جامعه لفرسان وفخوذ عنزه

واتمنى ان تعجبكم بكل معانيها

هذه القصيدة للشاعر : جريد عوض العنزي
قالها ردا على تجاهل احد الأشخاص بالقبيلة

البارحة نومي على العين تحديد **** قلبي يهوم وكل طاري طراله
يا قلب هيد عن كثير التناشيد **** لاتبحث المشغول عما جراله
صخرتني صخرمحدد للتجويد **** ياويل قلب خبث البين فاله
قومتنى يا شين عساك ما تفيد **** رجل كبير وتدعي بالجهاله
ما فات مات و لا تفيد التواجيد**** و لااحد يدرك عن دروب الرجاله
مثايل ما قالها قاصر القيد **** الي على الطولات تقصر حباله
سر ياقلم وا كتب على كيف ما اريد ****ا كتب جواب ياقلم جاء مجاله
كلمة سفيه حطت بالقلب تنكيد **** عجز يعدل هرجته يوم قاله
تعال اشرح شرح وافى بتأكيد **** وتأخذ على مااقول منى كفاله
ربعي هل الطولات بواجة الريد **** هل ألوفا والطيب وأهل ألجماله
ويلان من ويلان ماهم تقاليد **** قروم الرجال مسيسين الشك اله
يوم الملاقا بالنمش والبوار يد**** يشهد لهم بالطيب عصر الجهالة
منا هل العوجا غدو بالتحاميد**** اللي حكموها من جنوب لشماله
ومنا الخليفة بالملاقى بواليد **** ضغوم الرجال اللى عليهم مقاله
ومنا الصباح اهل الرماح المواريد **** ريف الضعيف اللى لجا والتجاله
وشيوخنا ماتنحصى 0بالتعاديد **** يشهد لهم جنوب نجد وشماله
عدوهم يمشى على غير مايريد**** وكم طامح بالكون فكوا حباله
يوم القبايل بين فيض وتسنيد **** كم عقله وردوا مقاطين جاله
منا ابن هذال كنمر مسيد **** شيخ الشيوخ اللى قليل امثاله
ياخذ على القالات حل وتوريد **** حلحيل بالحيلات فى كل حاله
وانشد عن الطيار عساك ماتفيد **** سلطان مهدى للطراقى زماله
ومنا مصوت بالعشا للا جاويد **** ابن مهيد اللي يتذكر افعاله
عنده ضياع الناس المغاريد **** ومن صكته سود الليالى عناله
ومنا العواجية شيوخ صناديد **** عقبان نجد اللى عليها المقاله
فريس والله ماتعرف التصاديد**** الياضيعت غرز العشاير عياله
والشيخ الايداء ضد من له تضاديد**** من عانده يلقلا عقايب نكاله
نمر النموره راسي حيد محيد ****صطام لطام الياصار قاله
مقلط الهيل الخضر بالبغاديد **** وبالطيب يرخص بالمواجيب ماله
الشيخ لطام العدا بالمواعيد **** نعم بالايداء كل ماجاء مجاله
والشيخ ابن شعلان من ترثه الزيد**** ماظنتى برويل يطلع بداله
مجول ونايف والربوع المواريد**** تاريخهم يشهد بدور مضاله
وخلف اللى ياخذ عليهم ملاكيد**** كم راس شيخ عن ثناديه شاله
ومنا الرفدي متعب الجيش بالبيد **** كلن سمع بالفاطر اللى اعتزاله
حطت على السبعان مع المعاويد **** وحنة بالصوت من سمعها دعاله
فزعوا لها السلقا على الجيش والجيد**** وحمى الوطيس وشب نار اشتعاله
كامزنه غرى نشلته رواعيد **** من جاء تحتها حامى النار شاله
والشيخ ابن مجلاد قرم الاواليد **** الطيب له من ساس جده وخاله
نعم بابن مجلاد سعران ورشيد**** كلن مقر له بفعلن جراله
اورنس اخو شيمه مزبن عن الكيد**** صطام لطام العدى بافعاله
صطام لطام العدى بالتهاويد**** كم غني ضيعة من حلاله
حر يوم انه شهل يرمى الصيد**** ولايذبح الامن نوادر اجزاله
حر اليا صرد على الصيدي تصريد **** عز الله انه يعجب من دعاله
ومنا الفقير الياهبي كل رعديد**** دبشي اليا عدوا رجال الشكاله
وراكان ابن مرشد سطام المعانيد**** شيخ الشيوخ اللى عزيز قباله
ومنا السويلم وابن شامان وعبيد**** الكل يكفي دون عرفه افعاله
والشيخ ابن معجل زبون المحاريد**** لاصار بالجمع العزاوي زعاله
ومنا ابن ملحم بالموازيم صنديد****يفرح بهتاش الخلا وان لفاله
والشيخ ابن رشدان زبن الرعاديد**** حيد الحيود اللى زمامن جباله
يحط بكبود الاعادي مراصيد**** عز الدخيل اللى عن الضيم جاله
ياخذ على تالي الهزيمه تراديد**** بيوم به الشيطان حضر اعياله
وابن سمير عيد الركاب المصاعيد**** الشيخ خشار الضعوف بحلاله
فى رفقته تلقى الضعافي ملابيد**** كم دخيل يلتجي فى ظلاله
والشيخ ابن جندل محيف النواديد**** يجزي صناديد العدي بالصياله
ومحدي مخلي الركايب عراجيد**** عزام جزام الياصار قاله
ابن موينع والغبيني وابن عيد **** وابن الامير منهل الطيب ناله
وابن هديب محدد الارض تحديد**** ارض يروده مايجونه رجاله
ومشعان اخو جحله الضده لواديد**** وبرجس غدير الموت مرذي سلاله
وغنيم ضد اللى ضده على الحيد**** عز الدخيل اللى بظيمه شكاله
والشيخ ابن ضويهر معدي المناقيد**** ضد العدوان ثار معرك كتاله
والمرتعد له بالفراسه ملاكيد**** مسكتين الورع يوم الصياله
وعمر وبن كلثوم ودهام ومريد**** الكل منهم وافيات خصاله
وكليب ومهلهل مخيف الرواويد**** الكل بالتاريخ كلن دراله
من عقب وايل ساس جد وتجديد**** جدود وروي جدود تحوش الجماله
هذا الصحيح اللى كل العرب تشيد**** امجاد ورث اجداد مابه جهاله
وكثرهم لو ابى اعدد سراميد**** يضيع فكري ويتوسع مجاله
كلامنا مافيه كذب وتزويد**** من طق فى قولى على بقباله
وصلاة ربى عد وبل الرواعيد**** على النبى المبعوث راعي الرسالة

اخوكم :- المحب دائما