ضاقت وضقت وضاق صدري وفيضت=وهوجست من هاجس بقلبي اشيله
النوم حاربني وانا النوم حاربت=وده يجي يمي وودي اجيله
ياصاحبي شديت قافي وبينت=شين بوسط القلب اشعل فتيله
يومه نطحني قبل مدة ولازلت=متذكر الموقف وزوله اخيله
دارت بي الدنيا ودارت ودورت=موقف من المخرج ولا فيه حيله
صدفة بلا ميعاد بالقلب جمعت=ياصاحبي كل الورود الذبيله
ياليتني ماشفت زوله ولا شفت=هاك العيون الناعسات الكحيله
جن الخفوق وفي هواها تجننت=ابوالرموش المكحلات الظليله
ياصاحبي صوبت سهمك وصوبت=قلبن سكن بين الضلوع النحيله
ياصاحبي تراك في قلبي اسرجت=خيل(ن)تدك القلب واسمع صهيله
ضاق الفضاءياناس والله تضايقت=وضاق بي كوني بحطه وشيله
شفته خفق قلبي ومنها تنهدت=ودي اشوفه دوم بأية وسيله
غمضت عيني والبلا يوم غمضت=جاني وكمل وسط عيني مقيله
ولعت نار(ن)بالحشاء حيل ولعت=ولاشافها قلبي ياويش الحصيله
واذا طراطاريه والله تكدرت=وادري فقدتك يالعنود الجميله
ياليت ربي ماكتب لي ولا رحت=ولاهواه القلب واعزتي له
والله لتوب من الهواء وهذا انا تبت=بس المهم نصير خل وخليله

سالم البيت هذا الصراحه اعجبني هي القصيده كلها جميله والله بس البيت هذا غير شكل
ما اقول الا صح لسانك وبارك الله فيك

ننتظر كل ماهو جديد لديك فلا تحرمنا من قصائدك الجميله

اخوك سلطاني الشرقيه