يابـوي جعلك للبقـا والمكاسيـب=عمـري بدونك يالـذَرا وش أبي بـه !!


أبســألك وش بـه غزا وجهك " الشيــب "=والقـلب لايـع والنــواظر شحيبـه


وش بــك تحـاتي لانـوى المـوت تغريب . .=تخشى عليــنا بالليـالي { الكئيبــه }


خـذ دلـّتك . . واركـى على مسند الجيـب ’’=وعطني [ شمـاغك ] بلثمـه وأحتمـي به


ونـروّح لأرض ٍ بهـا العشـب والطيب !=وتسمـع كلام ٍ { يالغـلا } تحتفـي به


يابـوي بنتك لاانحكـى بالتــّجاريب=كـل ٍ يشق لهيبــه الصـّيت جيبــه . . !!


وان كـان " زينــي " فتنــة ٍ للمــصاويب=أحــط وجهـي بالحـريق ولهيبــه


زينــي أبيعـه . . وأشتـري سمعه الطّيب=اســـم ٍ ينــومس بالصـروح الذ ّهيــبه


وياشيخــي إبشــر لوتدور الدّواليــب=بنتـــك إلا منـــّه عــوى الذّيــب { ذيبه } !! ..

المشاركة الأصلية كتبت بواسطة سيار (المشاركة 12183) والله ونعم

المشاركة الأصلية كتبت بواسطة برقا سرا (المشاركة 12269) يعطيك العافية على هذة الرائعة

المشاركة الأصلية كتبت بواسطة سلطاني الشرقيه (المشاركة 12274) يعطيك الف عافيه شكلك اذا انسدحت يطلع الشعر والله انك خطير

المشاركة الأصلية كتبت بواسطة روحي تحبك (المشاركة 12315) يعطيك العافيه منسدح