|
من يحل هالمشكلة رجاء
السلام عليكم حملت برنامج فوتوشوب الإصدار الثامن بس له كلمة سر .. انا عارفتها كلمة السر بس وين احطها .... أنا صورتلكم البرنامج وياليت تعلموني وين أحط كلمة السر وشلون أفعل البرنامج ... فهل من حل ؟ ولا أحذف البرنامج وأدور غيره !! اللي يعرف أتمنى مايخبل علي ... نزلت الصورة بالفيس بوك وماعندك أحد ... http://a2.sphotos.ak.fbcdn.net/hphot..._2422929_n.jpg |
هلا آمل
اعملي فك للملف بالأول وبعدها يطلع في مجلد كلمة sutep اضغطي عليها . كلمة السر تقريبا المرحلة قبل الآخيرة .. مومتأكدة |
طيب بجرب وراجعه
|
اولا يعطيك العافية : سويت فك للملف ... طلع لي ايقونات سطح مكتبي !!!! وطلع لي فك واستبدال الملفات وفك وتحديث الملفات وتحديث الملفات الموجودة فقط !! أقول والله شكلي جبت العيد من أمس وأنا أحوس فيه |
لا صح عليك
يقصد اختاري الملف اللي تفكين فيه الملف اختاري أي مجلد او اختاري فك هنا إذا موجود يكون هو يفك لحاله في مجلد الله يعافيك |
طيب بجرب الله يعطيك العافية
|
أنا الحين فكيته وصار بمجلد ...... الحين وش أسوي ؟ أقصد وش الخطوة اللي بعده شلون احط كلمة السر ؟ عموما أنا راح أصورلك المجلد .... بس بطلع الحين |
الخطوة اللي بعدها الله يسلمك مثل ماقالت لك الاخت دندنه :
1. افتحي المجلد اللي انفك على سطح المكتب 2. فيه أيقونه التنصيب داخله أسمها [ setup.exe] 3. بعد ماتضغطين على الايقونه راح يعطيك خطوات التنصيب [ نكست ثم نكست ثم نكست ولا تنسين توافقين على شروط الاتفاقيه او الاستخدام تحطين " نعم " ثم نكست لين يطلب منك تحطين الرقم السري للبرنامج مع ان الإصدار الثامن اتوقع ماله سيريال نمبر عموماً واضح مع مراحلة التنصيب مكان الرقم اذا طلبه منك .. 3. بعد الاكتمال راح تلقين البرنامج ينزل برنامجين [ فوتوشوب + ايمج ريدي برنامج ملحق مع الفوتوشوب ] ومكانه [ ابدأ + البرامج ] عاد بعدها سوي له اختصار على سطح المكتب , وترى برنامج الفوتو 8 اذا ماتعرفينه صورته ريشه خضراء ههههههاااي ابو الوصف الدقيق هذا والسلام عليكم وسامحونا على اللقافه |
نفس الخطوات اللي ذكرها اخوي جزاء والآخيرة الي تحطِ فيه كلمة السر هذه صوره لها ولوأنها موواضحة حصلتها بأرشيف قديم
بآخر سطر عبارة عن مربعات كل مربع تدخلين فيه مجموعة أرقام وإذا السيريال صحيح يتفعل البرنامج كنسخة دائمة .http://sub3.rofof.com/img4/02svial11.gif.. كان بودي انزل لك الصور متتابعة لكن عندي مشكلة بالجهاز ... بشري عن النتائج ^_^ |
أولا يعطيكم العافية وماقصرتوا والله يجزاكم خير يادندنة الرحيل وياجزاء السلطاني .... ثانيا أنا بنت إندبلت سبدي ثالثا سويت اللي قلتولي عليه وكأني فهمت بس مو كثير ^_^ رابعا ياجزاء السلطاني طلع لي [ setup.exe] ولما فتحته قال لي لايمكن فتح الملف واختار برنامج أو فتح الويب ... آخر محاولة إن مافتح معاي بحذفه وأدور غيره ... شكلي حوست مافيه حاجة ماضغطتها .... والعذر منكم ومع مشكلة أخرى ^____^ جزاء ابشرك لقيت الريشة الخضراء ^_^ والله ياخوفي أكون فاكة البرنامج ومضبط وأنا ماأدري !!! أبي اتعلم له : http://a2.sphotos.ak.fbcdn.net/hphot..._3000641_n.jpg |
| الساعة الآن 01:18 AM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
diamond