|
أقتـــــــراح؟؟؟
الان أن واصل عمري يا جماعة 28 سنة والعمر لكم لكن لية ما نجتهد ونساعد بعض على سبيل الميثال تحديد المهر بيننا يالسلاطين بحيث لا يتجاوز 40000الف ريال يعني ياطويلين العمر 70000الف ان شاء الله تزوجني مع العلم أني ليس موظف لكن الاربعين الف تشجع الواحد لو يطقطق بالعامية وان تزوج الواحد ربك يفتحها بوجهه الحين والله اجزم اني لو اخطب من السلاطين ما يزوجون عارفين ليش لاني مو موظف يعني الحين ما يعرفون الا وظيفة حكومية طيب وين راحت السمعة والاخلاق والتقدير يعني لزم نروح لقبيلة ثانية ونتزوج بالاقساط صحيح لا أحد يستقرب بالاقساط يعني يبي يطاع عليك العرس 120000 الف
أ{جو الرد من الجميع لا يروح نسل السلاطين نبي خوال العيال منا وفينا....... أســـــــــف على الاطالة ؟؟؟؟؟؟ |
أخوي سلطاني عاطل أولا أقول يارب انه يوفقك وتحصل على وظيفه بمرتب حلو ويارب انه يزوجك بكر وسلطانيه بعد ،،، كلامك في محله وأنا معك تقبل تحيتي... أخوك/ الود طبعي.. |
سلطاني عاطل ياخي من يزوج واحد ماعندة وظيفة والله والنعم فيك ياخي فرضالو خطبت واعطاك واحد بنتة بالله عليك من وين تصرف عليها وبعد سنة يرزق الله بولد من وين تجيب له اغراضة ياخي سبل العمل كثير والله انا اعرف ناس بدون وظيفة يشتغلووووون بحراج الغنم واحراج الخبول (والله حنا الخبوووووووول ) وعندهم خير من الله وبعدين انت مستواك التعليمي ماهو
والله يوفقك ويرزقك الوظيفة وبنت الحلال |
أخي سلطاني عاطل :كلامك سليم من ناحية المهور ,وأقولك 40000كثيرة ولكنها مناسبة نوعا ما .
لماذا لا يكون المهر 25000الف ريال ويكون الزواج عائلي مبسط . أنا مع تحديد المهور وكذلك أغلب أبناء القبيلة يريدون ذلك ولكن المشكلة بصراحة في أن بعض الناس اللذين لايريدون أن يتم أي أمر الا من خلالهم ويرفضون أي فكرة إذا جاءت من غيرهم حتى لو فيها مصلحة للقبيلة وهم موجودون في كل فخوذ القبيلة وليس في فخذ واحد. ونصيحتي لك حاليا إبحث عن عمل مهما يكن لاترفض حتى لو كان بسيطا .أما الزواج فلاحق عليه . وأخيرا أدعو الله أن يرزق كل العاطلين بالعمل الحلال عاجلا غير أجل . |
استغفر الله العظيم
|
سلطاني عاطل: الأولى ان نتناقش حول كيفية توفير وظيفه لأبناء القبيلة العاطلين وليس تزويجهم،فمن منتدى القبيله نطالب ابناء عمنا القادرين على حل هذه المشكله بالشفاعة(الواسطه) للعاطلين من أبناء القبيلة فأين هم.
|
اسمحوا لي ان اتكلم بصراحة لاني تعودت ان اكووووون صريح
هل يوجد سلطاني يزوج بنته الان بـ 40000 ريااااااااااااال هل الامور بهذه السهوله ؟؟؟؟؟؟؟؟؟ الكلام سهل لكن عند التنفيذ تتغير الامور بقدرة قادر !!!!!!!! واللي على راسه بطحا يحسس عليها بصراحة امورررر الزواج بيد !!!!!!!!!!!!! وللاسف الشديد اكيد فهمتوني |
السلام عليكم ورحمة الله وبركاتة
اخي سلطاني عاطل الله يرزقك الوظيفة الي راتبها لا يقل عن 5000 والله الله يعينك الان الزواج مثل ما قلت اقساط وانا اعرف واحد بالرياض معي بالعمل يحلف ان اخوه الصيفية الي راحت متزوج اقساط يا اخي البيوت متروسة بنات ارحموهم متىء يتزوجن ولكن انا اوؤيد انك تتزوج حتىء لو ما توظفت وكثير من أبناء السلاطين تزوجو وهم مو موظفين والله رزقهم بالوظيفة الطيبة بعد الزواج والي يسعى بالحلال الله يبي يرزقة لا تخاف وعلى قولت المثل ما أحد ميت من الجوع بس لا تنسىء تعزمنا على عرسك من أفـــراح السلاطيـــن... تحط دعوه وبالتوفيق |
الله يعين ولكن يجب على افراد القبيله ان يخفضو المهور الى 40000 بدل الستين والسبعين
وان يتركوا التقليد والفخفخه وهاهم ابناء الشحوم اتفقوا على الخمسين وبدون مسائيه وان شالله تعم باقي فخوذ السلاطين للتيسر على ابنائهم فعندما يكون المهر فوق الستين والصاله تبيلها 12 الف والذبايح مثلها وهو مديون راح وراح يقصر على بنتهم لانه نص الراتب قرض ومانقول الا الله يعين |
نعم يمكن يزوج العاطل عن العمل بس بشرط يكون ذو دين وخلق حيث قال الرسول صلى الله عليه وسلم من ترضون دينه وخلقه فزوجوه أو كما قال الرسول صلى الله عليه وسلم وأنني أعرف من زوج بأقل من الاربعين ألف ريال من السلاطين أكثر من واحد
|
| الساعة الآن 02:27 AM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
diamond