منتديات السلاطين الرسمية - تريّث ياصدى صوتي ...

منتديات السلاطين الرسمية (http://www.alslateen.com/vb/index.php)

- منتدى الشعر والشعراء (http://www.alslateen.com/vb/forumdisplay.php?f=28)

- - تريّث ياصدى صوتي ... (http://www.alslateen.com/vb/showthread.php?t=5485)

تريّث ياصدى صوتي ...

تريّث ياصدى صوتي وخفف نبـرة الأحـزان ..
تعلّم من نزيف الجرح كيف اصبر على همـي ..
.
أنادي والسما غيمـة تثـور بداخلـي بركـان ..
ودفتر من قصيد الأمس على جال البحر مرمي ..
.
سكنتك بيت ياكبره وشكلّـت بسمـاك ألـوان ..
شربتك كاس بيديني وأثاري الكاس منسمـي ... .

دخيلك جامل الدمعه !! ترا مهما أكون أنسان ..!! .
مشاعر قلـب تحكينـي وأزود حبرهـا دمـي ..
.
كرهت البيت بغيابك !كرهت الباب والجـدران ..
ليامن شفت لك صورة تنسينـي حنـان أمـي ..
.
أبرحل وأترك الماضي وأجدد حاضر العنـوان ..
ابجمع من شتاتي قلب واسافر في بحر غمـي ..
.
تصور لو نساني الكون وصرت بعالم الحرمان ..
أناديلك .. واصوّت لك .. ولاحتى تجـي يمـي .. .
.
أمانه لو جعلتني مسافر فـي سمـا النسيـان .. .
أمانه جاوب صوتـي لجـل مايحتـرق دمـي ..
.
ابي لو ساعه من وقتك .أنا ماقلت أبيك ازمان ..
أبيك العاشق المغـرم علـى قلبـي ومهتمـي ..
.
أبيك تعيشني قصة ! بطل خاين وأنا الخـوان ..
أبي كل البشر تحكي وتتسابـق علـى ذمـي .. ..
.
على هونك ظلام الليل !! أشوف الليل ماقد حان .. .
علامك تلوي ذراعي !! تبعثـر فينـي وتلمـي ..
.
حرام تشوف دمعاتي وتنسى أني بقايا أنسـان ..
أحاول اجمع شتاتي وعجزت اليوم فـي لمـي ..
.
حبيبي لو تبيني ابعد واعانق دفتـر الكتمـان ..
تعال احضر عزا قلبي مادام الشـوف منعمـي ..
.
.تصور مابقا فيني سوى باقـي رمـد بركـان ..
ودفتر من قصيد الأمس على جال البحر مرمي ..

صح لسان شا عرها وناقلها بارك الله فيك:)

أنادي والسما غيمـة تثـور بداخلـي بركـان ..
ودفتر من قصيد الأمس على جال البحر مرمي ..

،،
قصيدة جميلة في معانيها
صح لسانك وشكرا لروعة ذائقتك
سلمت يمينك وبانتظار جديدك

شكرا لمروووركم العطر..

أنادي والسما غيمـة تثـور بداخلـي بركـان ..
ودفتر من قصيد الأمس على جال البحر مرمي ..

حبيبي لو تبيني ابعد واعانق دفتـر الكتمـان ..
تعال احضر عزا قلبي مادام الشـوف منعمـي ..

هنيئا لمشاعرك وهنيئا لقلبك
بهذه القريحه التي تكتمل بها العذوبه
هنا كان الهواء نقيء حيث انني كنتُ متربعا
في كرسي يملاؤه الصفاء

ذائقتك في قمة الروعة
في أنتظارجديدك دوماً

البدر..

شكرا لمروورك العطر الجميل..

الداانة//

مروورك اسعدني وزادني بهااء ..
شكرا لك...