|
قصيده الشاعر خالد رافع العنزي
نويـت ارتــب حـروفـي واشـعـل ثــورة البـركــان
مـدام ابلـيــــس يتــراقـص ولــه نـاسـه وجمـهـورهـ رضخنا غصب لجيـوشٍ جلبهـا حضـرة الشيطـــان واخــذ يامــر وينهـانـا وصـار الشــور هـو شــورهـ يهيـن المسجـد الاقصـى ويقـتـل مسلـمـي لبـنـان وفـي بغـداد كـم ســوى سـوايـا تكـشـف الـعـورهـ تزهم لـنـا زهامـيـل القـهـر غـيـرة مــن الـعـدوان ونبـقـى زي مــا حـنـا بـشـر واوطــان مقـهـــــورهـ وانـا بارجـع الخطـوة واخـالـف خـطـوة الركـبـان وادور داخــل جـروحــي دول ورجـــال مـحـفــــورهـ ترفـرف يـا حمـام السلـم لـكـن عـاجـز الجنـحـان لــكـ الله كــل مــا رفـيـت والجـنـحـان مـكـســـورهـ طرالي مجدنـا اللـي كـم مضـى لـه ياحمـام ازمـان لــذا حـاولـت ابستـرجـــع مكـانـه وانـبـش قـبـــورهـ احـس ابداخلـي غيمـة مطرهـا يـروي العطـشـان صحـيـح الـوقــت عـانـدهـا ولـكـــــن لـلـقـدر دورهـ انا مـن قبـل لنشدهـا عـن الرابـح مـن الخسـران بكـت ودموعهـا طاحــت واقــول البـنـت مـعـــذورهـ عليـهـا الله وامـــان الله مـجـيـت ادور الـغـفـران انا قلت احيي الذكـرى واشـوف وجيـه مشهـــورهـ بديت ارحل مع الغيمة واسافر من وطـن لاوطـان وصلت ارض الفرات ومجلـــس الحجـاج وقصــــورهـ وقلت ارحل الين اوصـل خلافـة بـن ابـي سفيـان لقيـت النـاس فـي وقتـه تعيـش ابخيـــر مـســرورهـ بعدهـا رحـت للفـاروق سيـف الـعـدل والاحـسـان هنـا كـان العـدل يمـسـي ونــام الظـلـم بحـضـورهـ سألنـي كيـف يـا شاعـر تـهـاوت أمــة الـقـرءان وقلـت إنــا تـمـر اشـهـور مــا نـقـرا ولا ســـــورهـ بـلاش افتـح جـروح الزمـن يــا نعـمـة النسـيـان مـدام ان الحقـايـق فــي زمــان الـيـوم محـظـورهـ وابـا عنًـز علـى ربـعٍ لهـم عنـدي عظيـم الشـان سيـوف المجـد فرسانـه جيوشـه درعـه وســورهـ تذكـرت محـروت الشيـخ ولـد الشيـخ والسلطـان ولو ما عشت فـي وقته..بقـى لـه داخلـي صـورهـ سـرت فـي داخـل عروقـي مكـارم ربعـي الويـلان صهيـل خيولـهـم فــي وســط قلـبـي ثـايـرٍ ثــورهـ وألـى يـا غيمـة العـزة مــن الـلـي منـنـا غلـطـان لقيـت ان الزمـن صاحـــي..لكـن الـنـاس مخـمـــورهـ صرخت ولا سمعت إلا صدى صوتي مع الجدران وشفـت ابليـس يتراقـص ولـه ناسـه وجمـهـــورهـ |
صح لسانك ورحمة الله على الشيخ / محروت
|
أهلا بــــ ياسر تغيب وتعود وتأبى أن يكون حضورك عادي لا تقطف إلا أطيب الورد ولا تتلذذ إلا أطيب العسل وهكذا أنت كما عهدناك لا تأتي إلا بكل ما هو جميل وهذا دليل على نفسك الطيبة وقوة إيمانك ومحبتك لبلاد المسلمين المقتصبه فها أنت بهذا النقل الرائع وكأنك تصرخ بقوة المؤمن هبو أيها المسلمين فمازال إخوانن لكم تهان كرامتهم في كل يوم ولكــــــــــــــــــــــن لا حياة لمـــــــــــــــــــــــن تنادي !!! أيها الكاسر :- كلنا نعناني ولكنه وقت الدعاء وإعداد العده . شكرا لك ولشاعر الجميل . لن نقبل بواحدة فقط بـــــــــل ننتظر المزيد منك ســـــــــــــــــــــــــــواء :- شعرا , نثرا , قصة , رواية زدنا بكل ما هو جميل فمازلنا عطشــــــــــــا . حبي الأبــــــــــــــدي . |
هلا ياسر وين الغيبه .!!!
من اروع ماكتب خالد رافع هذه القصيده |
جميله جدآ
يعطيك العافيه |
يعطيك العافيه |
اين غبت يــــا ياسر ؟؟؟ قصيده جميله جدا بارك الله فيك |
قَصِيدَه رَائِعَه لِشَاعِر اروَع . .
شُكراً لَك . .:) |
الشكر لكل من سئل عن ياسر
ظروف العمل اجبرتني على الابتعاد عن المنتدى ويعطيكم العافيه ومشكور مره ثانيه على مروركم العطر |
اهلاً بك اخي ياسر بعد هذه العوده الحميده بهذه الرائعه من روائع الشاعر خالد رافع العنزي اقتباس:
هذا البيت هو اجمل ماقيل من الشعر في برنامج شاعر المليون حسب رأيي المتواضع . الغالي ياسر اشكرك من الاعماق على تخليد هذا البيت في منتدى السلاطين . ارق التحايا |
| الساعة الآن 08:21 PM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
diamond