منتديات السلاطين الرسمية - حنا اسلاطين لياقيل ماقيل

منتديات السلاطين الرسمية (http://www.alslateen.com/vb/index.php)

- مجالس وَ أشعار السلاطين (http://www.alslateen.com/vb/forumdisplay.php?f=13)

- - حنا اسلاطين لياقيل ماقيل (http://www.alslateen.com/vb/showthread.php?t=7819)

حنا اسلاطين لياقيل ماقيل

حنا السلاطين لياقيل ماقيل====حنا حصاد العز حنا حصيله

ميثاقنا واحد مافيه تحويل ==== وتاريخنا نقش فلا يمحا دليله

لاثارت الهيجا سوات الحلاحيل==== قامت تجادح نارنا كالفتيله

طبع الرجل منا مافيه تحويل ====اما يشيل الحمل ولا يشيله

نخايل الجدي ونخايل سهيل==== ونخايل الهمال ونرقب هميله

مرباعنا عرعر وارجال(ن) مشاكيل===ارجال(ن) لهم فالمجد حكم ودويله

وبذكرك ياشيخ تبكيك الرياجيل====عزيز بن قنفذ مايضما نزيله

حر(ن)ولد حر مافيه تشكيل ==== هداج تيما مايخيب نزيله

من صلب جدي ليا غزر السيل==== والخيل نعرف كدشها والاصيله

شيخ(ن) على ساس ماهي تماثيل ====من روس ربعه وروس القبيله

يالله يارب يامحيي المماحيل ====تنبت على قبره رمث ونفيله

تسقيه من ردم المزون المخاييل====اللي يبيض بالفعايل شليله

وتسكنه جناتك يامكيل الكيل ====وترحمه ياربي وعفوك يطيله

واليوم لافاض دمعي بالمناديل===يالله سترك لاتتجيني الفشيله

وسلامتكم

صح لسانك

ورحم الله أبو سعود رحمة واسعة

صح لسانك

والله يرحم اموات المسلمين اجمعين

صح لسانك ورحم الله الجميع

اشكر مروركم الكريم ولا تحرمونا من طلتكم الجميله

أشكر على هذه الكلمات الباذخه بالجمال

..
صح لسانك و لاهنت

مع كل احترامي لك يافواز بس القصيده فيها الوزن يبيله تمر به اقرب ميزان

شكرا على مروركم---القصيده فيها بيتين مكسورين وانا تعمدت اخليهم لاني كنت اتمنى احد يطلع ويقول فيها كسر وهم في قصيده ثانيه فيها بيت مكسور ولكن للاسفمافي ناقد شعر بالمنتدى وانا قلت للاخ ابو مشاري هالكلام---مشكورين على المرور